سفرهـ د / تخ تش الى جدهـ ..!! بالصور ...!

08-22-2008, 01:18 AM

سلااااااام يا قميل ..

وسلخيييييير يا نفر <--لزوم اوريكم اني ما نسيته ..

بصراحهـ .. الواحد ما ودهـ يطلع من ربوع بلادهـ بالسياحهـ ..<---

خصوصا" لا كانوا بيروحون مصر
بس ولدهم انكسرت رجله

وهونوا عن الروحهـ ..

ملاحظهـ / جميع صور هذا الموضوع حكرا" لتخ تش فقط
<--يا شيخ كل آش بس ..

الصورهـ صغيرهـ وانا اعرف .. بس الي يبيها كبيره يضغط عليها ..

نجي للمهم ...

يوم السبت الي راح <--ما اذكر التاريخ ..

طلعنا العصر من مطار بريدة الاقليمي ..<---ناوي حرش

الى مدينة جدهـ ام الرخاء والشدهـ

مالكم بالطويلهـ ..

رحلتنا كانت الساعه 5 العصر ..

والي قاص التذاكر ايقزات واخوي الثاني
<--الله من زين الدبره يقول لنا الرحله الجمعه يوم ناظرنا طلعت السبت

دخلنا المطار .. وكالعادهـ لي وجهه نظر ثانيه ..

عيشوا الجو هذا معي ...

طييط <--هذا صوت الممر حق المطار لو معاك جوال او حديد يطلع صوت

العسكري / هيه هيه .. وين تعال ..

تخ تش / انا اسف بس كلي حديد ..<---

العسكري /اووهـ انا اسف انت لك معامله خاصهـ

طيط طيط طيط طيط

<--لا تخافون هذا انا رايح جاي على البوابه ما صدقت على الله قالوا له لك معامله خاصهـ ..

[/URL]

هذا أنا ورجليني ..

بعد ما دخلت قاعة الانتظار ..

والعالم كله تحترمني ...

تصدقون توه يبان فايده العكازات .. والاسياخ ..

هذولا البزورهـ .. ينتظرون الطيارهـ <--بس مو بزورتنا ...

وطبعا" من اعلنوا عن الرحله
وانا اتحقرص احتري المعامله الخاصه ...

قلت لاهلي روحوا بجيكم لا تخافون

<--بيني وبينكم .. حسيت بلحظه ان المطار ما عبرني واني مانيب راكب ..

يوم جاء دوري ..
وانا صافط على يمين وجالس بالكرسي وكل شوي احرك عكازاتي
<--يعني يا بجم افهموا ..

قال واحد وخروا شوي يا ناس فيه ناس احتياجات خاصه هم اولى ..

<--يارب ما يقصدني ..

بس للاسف ميخالف طلع يقصدني ..

ويقولون لي تعرف تمشي .. وانا الي اعرج عرجه بغت ركبتي تحك بالارض

<--كله علشان المعامله الخاصهـ ..

المهم ركبوني برافعه ومادريت الا انا بوسط الطيارهـ ..

<---بصراحه اكشن شوي بس متوقع اكثر ..

المهم كانت الطياره مقعدين يمين وبعدين الممر وثلاث مقاعد يسار ( جامبو تحوم التسبد بالعربي )

ركب ايقزات وامي بالي يمين والخدامه ركبت عند الدريشه واختي بالنص وانا على الممر ..

ما عجبني الوضع ...ابي بجنب الدريشه .. بس ما يصلح .. الخدامه صارت تتأمر علينا ..

ميخالف كلش ولا السحر اخاف تسحرن لو اقوله قومي

<--وااحد مدفووق قلبه ..
من كثر ما قالوا له الشغالات يسحرن ..

يوم اقلعوا وصاروا بالسماء .. وضمنت اننا يا نموت يا نوصل جدهـ ..

بديت اهيجن واشعر <--هههههههههههه لا لا هذي من عندي ..

المهم اخذت الجوال وانا الي القط لكم كم صورهـ ...

وهذي بعد

بصرااااحه هالصورهـ كله جايه بالغصب ..

ايقزات / ابراهيم تكفى صور صور .. يااخي ...

تخ تش / يااخي انت تحب نفسك كثير ..

هنااا ..

انتهت رحلة المطار ووصلنا الى جدهـ ..

وسنتاابعكم بالجزء الثاني ..

ملاحظهـ / الصورهـ صغيرهـ وانا اعرف .. بس الي يبيها كبيره يضغط عليها ..

برايفت عاشق ربع / المضيفه الي تقول صورهــا ما لقيتهـ ..

08-22-2008, 01:19 AM

الجزء الـ ( 2 )

جدهـ ام الرخاء والشدهـ ...

أول ما وصلنا مطار جدهـ ..

نزلوا اهلي .. وانا الي انزل معهم

<---فيه مضيفه حسيتها تقول وين الي يالله يمشي بمطار القصيم ..

وصلنا جدهـ .. وكان بأستقبالنا .. جمع غفير من شعب جدهـ

يتقدمهم اختي وزوجها وعيالهم الثلاثه بس ..

المهم تكينا معهم ..ولزوم التجغيف لهم
او بمصطلح الناس الي ما تعرف التجغيف ( التوبيس ) لاختي وبناتها
<--انا من زود الحماس وكثر التبويس بوست حمال الشنط ..
<--قويه صح ..

المهم ركبنا .. ورحنا بيت اختي ..

جلسنا الين صارت حوالي 12

طلعنا نتعشى في مطعم القلزم

<--يبيع مأكولات بحريه وان مانيب ادانيهاا ..

وزود على كذا تصير جوعان بعممممف ..

المهم اني اكلت سمكـ وغصبن علي ..

<---هذا المطعم ..
نجم معلق .. قالوا لي انك رايح له قبل .. بيني وبينك يستاهل ..

<---هذا بواقي الاكل
<--او بالاصح التشليح ..

قولوا لا اله الا الله ..

رجعنا للبيت وان داايخ بعممف ..

نمنا .. وصحيت بدري ..

شفت نفسي ما عندي شغل

وزوج اختي طالع للدوام ..

قلت يا ولد ما بدهاش ..

شغل وروح للكورنيش وابحر .. وانبسط ..

شغلت السيارهـ .. واخذت لي كم لفه على كم صورهـ ..

<---هذي البيت تذكرني ببيتنا حنا يا عائله شد اوغلوا ..

<---وهذا لقطهـ للبحر.. (بنووته قلت له يسلم عليكـ ..

)

المهم يوم صار الظهر طلعنا للشاليهـ ..

وهذي صور للشــاليهـ

شاليه مطل على البحر .. وما حسيت الا اهلي بس الي يلبسون عبايات ..

بس اخذت حقي زي ما اخذت قرويه حقها بالمدينه ..

<---هذا مدخل الشــاليهـ ..

+

<--هذا جمسنا .. وسياره زوج اختي ..ومن وراهم السيارهـ الي تشيلنا ..
لانه ممنوع دخول اي سياره بالشاليهـ

+

<---هذي السيارات ومن وراهم الشاليهـ ..

+

<--وهذا الشاليهـ من وااجهته الي قدام ..

+

طبعا" آخر اربع شاليهات ..
ساكن فيها صاحب السمو الملكي الامير **********
الله يطول بعمرهـ
<--تم التشفير من قبل د / تخ تش الشربتلي
<--يا خوووي خايفن على عمري ..

+

<---هذا ملعب تنس .. وباسكت بول .. وفوت بول

<--لا عادي بعض المرات يطلع من شي زين

+

<--إطلاله بانوراميه <--ما يمديكم عاد ..

هذا من الدور الثاني للشاليهـ ..

+

<--وهذي صورهـ ثانيهـ

+

<---وهذي صوره للبحر على الشاليهـ ..

+

برايفت شباب ساحة سواليف بس /

ودي اصور لكم شي يحلي ريقكم ..

بس البنات الي هناكـ حنا الي نتغطى منهم ..

تابعونا في الجزء الثالث ..

08-22-2008, 01:23 AM

الجزء الـ ( 3 )

نمنا وصحينا ..وطبخنا .. شوينا .. هسترنا ..

كل شي ببالك سويناهـ <--الا المغاازل ..

هذي صورهـ لفحم الشوي ..ومستعدين نبي نشوي ..

+

وكالعادهـ أول واحد يصحى الصبح انا

<--اشك بنفسي اني ديكـ على قومتي اولهم ..

طلعت وصورت لكم صور للمسبح

<--هذا مسبح الصغار

+

<--وهذا مسبح الكبار ..

يا جماعه ودي اقولكم خليطي بس اخاف تقولون وخر مناكـ ..

+

<--هذا قصر مع صفه الشاليهات ..

سألت عنهـ قالوا لي اليوم بـ(8) الاف <--أرخص والله

+

<--وهذا السقالهـ الي على البحر ..

+

هنا جلساتـ .. باخر الليل .. ودك ما تجي هنااا

هباااااال لاخر درجهـ ..بين العيال والبنات ..

وانت ما تقدر تسوي شي

بكل بساطهـ لان معك عكازات ..

ترقبو الجزء الرابع والاخير في جدهـ

وإنتظرونا في صور الطائف ومكهـ ..

08-22-2008, 01:25 AM

وير بااااااااكـ

<--معليش بس هذا كانه الوسام لا لبس نظاراته الشمسيه

بعد يومين حافلين في الشاليهـ

هذا نحن في اليوم الثالث <--يا اكشن انت ...

وكما تعلمون اني تعبت من كتابه الموضوع

ففيه صور للطائف ومكهـ .. سننزلها بعيدا" <--يعني موب قريبا" ابدا"
+

+

<---هذي صور من الشاليهات والجلسه على البحر
<--بالليل .. مع خلطه تخ تش الخاصهـ على البحر .. يطلع .. النهايهـ

+

<--هذولا مبزرتنا .. وكالعاده ..بابا ابي سييكل..

السيكل صار اهم منا ...

+

<---ههههههههههه صحيح صحيح

عجبتني الفكره .. وفكرت اخذ دباب بحر ..

بتقولون لي ورجلك يا خبل ..

ابقول لكم ..

مادري وش جاني حسيت اني اشويت ..

الـ ع ـامل السوداني الي يشتغل بالدبابات يقول لي وش فيها رجلك

ووش مسوي ..ووشلون انكسرت
و و و و

الين ما حسيت ان راسي بينفجر ..

قلت له يا ابن الحلال انا لاعب بنادي الرائد<--

وكنا بمباراه تحدد صعودنا لدوري الممتاز

وكنت صانع العاب ..وفجاهـ اسحب لي واحد وما خلاني افوت ..

وكسرني ..

<--عجبتني الفكره والله ..
+

<--هذي صور لي وانا بوسط البحر ..
+

<---هذولا بزورتناااا طالعين راعين حداق وصيد ..

+

<--طبعا" لازم البيكـ

+

هذا اخر شي بوقت طلعتنا للطائف
ونسيت اقول لكم ان اختي الي ببريدهـ جت بآخر يومين

لجدهـ وجلست معنا هي وعيالها ..

وطلع العيد عيدين ..

ترقبوا رحلة الطائف

مقتطفات من الطائف

^EXIT يرفع صوته على حريم اثيوبيات .. يا حيف بس ..!
^تخ تش يشعر بمغص وهو في الملاهي ..
<--ابو الي علمك الاكشن يا شيخ .
^وترقبوا المزيد والمزيد...

د / تخ تش الشربتلي

ملك المملكه الاستديويه السواليفيهـ

08-22-2008, 01:54 AM

اقتباس:

<--الله من زين الدبره يقول لنا الرحله الجمعه يوم ناظرنا طلعت السبت

ميت من القهر,,,,وش لون تعتمدون على الآدمي هذا,,,؟؟

عقوبه الولد هذا,,,

اقتباس:

برايفت عاشق ربع / المضيفه الي تقول صورهــا ما لقيتهـ ..

بانت علومه الطويل,,,,

اقتباس:

<--طبعا" لازم البيكـ

ان جاكم شي فهو مني أنا,,,,<<أبي البيك,,

اقتباس:

^exit يرفع صوته على حريم اثيوبيات .. يا حيف بس ..!

الله عارف قدره,,,,

اقتباس:

تخ تش يشعر بمغص وهو في الملاهي

السبب::انك أكلت من البيك ولاجبت لعاشق العالمي,,,,

اقتباس:

<--هذا قصر مع صفه الشاليهات ..

سألت عنهـ قالوا لي اليوم بـ(8) الاف <--أرخص والله

يمديك تبيع الهايلوكس

اقتباس:

برايفت شباب ساحة سواليف بس /

ودي اصور لكم شي يحلي ريقكم ..

بس البنات الي هناكـ حنا الي نتغطى منهم ..

الله يهديك أنت تقربلي والدليل ان امي ماتغطى عن أمك,,,,

أنتظر بفارغ الصبر رحلة الطايف,,,,

لاتنسى تصور الأثيوبيات,,,,

ترجع بالسلامه ياحبيبي ياتخ تش,,,,

08-22-2008, 02:06 AM

ههههههههههه عليك اسلوب يسدددددددددددددح

وه من شفت البيك تقاطرت سعيبلاتي
<<لي كمن يوم مشتهيته

نحتري الرحله الثانيه هووع

08-22-2008, 02:06 AM

مــآنقصنا الا الوالد

ســفره ـانمــآ ـأيه

اقتباس:

^EXIT يرفع صوته على حريم اثيوبيات .. يا حيف بس ..!

يــآخـــآل قل لهم السالفه لايحسبوني شرير

السالفه اننا يوم كنا بالطائف اخذين { كبينتين } بجنمب بعض ,, وحده للرجال ووحده للحريم ,,

تخ تش اخذ الحريم وطلعوا يتمشون , وانا والشباب جلسنا بكبينة الرجال ,, يوم اخذنا شوي ونسمع طقطقه واصوات بكبينة الحريم

يعني وش تتوقعون حريمكم واهلكم طالعين مع اخوكم والكبينه مافيها الا الخدامه ,, وتسمعون اكثر من صوت داخل الكبينه ,,

ابد ابد ماتفكرون انهم حراميه ابد

قمت وطلعت انا ونسيبي وعياله الكبينه حقت الحريم له بابين ,

باب انا مسكته وباب مسكه نسيبي ,,

فتحنا الباب لقينا 3 حريم بالكبينه { اثيوبيات }

يعني معقوله جاييت يرقمن تخ تش ...؟

طبعاً مافيهن الا وحده حلوه ولا الباقيات دببه يجيبن السملقي

جيت معهن بكل طبلوني

قالوا ان هذا عرس وحنا لنا عاده ان العروس تهرب ليلة عرسها من عروسها وهو يدورها

وقسم بالله اللي اقوله لكم صحيح شئ يفقع الراس

المهم جاء زوجها يلعن يقول لي ساعه ادورها مدري وين رايحين وجايب رجال يحرسون الكبينه علشان ماتهرب

وش هالعاده البايخه هذي

بس عندي لهم طريقه احلى من هالطريقه

تخ تش وضح لا وشسمه يحسبوني وشسمه <----- اذا فهمتوا شئ علموني

اقتباس:

ايقزات / ابراهيم تكفى صور صور .. يااخي ...

تخ تش / يااخي انت تحب نفسك كثير

وقسم بالله مزعجني يقولي شف اسمك ورب الكعبه هالنصاب ذا

بعدين ماتدرون انه مشغل جواله بالطياره وهذا ممنوع

اقتباس:

هباااااال لاخر درجهـ ..بين العيال والبنات ..

وانت ما تقدر تسوي شي

بكل بساطهـ لان معك عكازات ..

ههههههههههههههههههههههههههههههههههههههههه

تخ تش ميخالف قلهم انهم عطوك خمس ريالات يحسبونك تشحذ انت وعكازاتك

الحمد لله على سلامتي يوم السبت الجاي انا وامي

نصائح لاصار اخوك زي تخ تش :-

بالمطار طق حوله ولا كأنك تعرفه لأن الناس يحسبونكم مساكين

لآ تغازل ومعك تخ تش

الإهداءات
إضافة إهداء